Neelanchal, door chitiz,
Sheetal hawa aur prakriti,
Miilon faili hariyali,
Aur usme uski anukriti.
Kalarav koojit pakshi,
Shaant athah samunder,
Jheel si gehari aankhe,
Jisme dooba mera man.
Nisha; tumhaare kesh,
Yeh roop-rang, yeh bhesh,
Kuch to hai inme vishesh,
Main khoya; nahi kahi kuch shesh.
Chitiz pe chaayi lalima aur,
Tumhaare haantho ki mehandi,
Bas ek tumhaari muskaan,
Meri pure din ki thakaan.
Jaa raaha hai pakshi samooh,
Aur kho raha ujiyaara,
Kho raha hai yeh tej,
Aur cha raha andhiyaara.
Jaate huye se pal,
Kitne sundar lagte hai.
Khoye-khoye se hum,
Kitne pyaare lagte hai.
Thak gaya saa hu,
Khud me hi kho gaya saa hu,
Duniyaa ki iss bheed me,
Tanhaa saa ho gayaa hu.
Bematlab hai yeh premdivas,
Bekaar si hai yeh duniya,
Bojhil si thaki huyi sandhya,
Bojhil hi meri duniya.
© Jitendra Gupta
No comments:
Post a Comment